KU MUNSI WA 10 ABAKRISTU BUMVIRA MISA MURI SALLE YA PARUWASI, BAGIYE GUSURA NO GUHA UMUGISHA “CHANTIER”IRIMO KUBAKWAMO KILIZIYA NSHYA

Paroisse Gikondo

Sangiza inkuru

Kuri iki cyumweru tariki ya 13/05/2018, ku munsi Mukuru w’Asensiyo, abakristu ba paruwasi ya Gikondo bazirikanye iminsi10 ishize bimukiye muri Salle ya paruwasi yabo, kubera ibikorwa byo kwagura kiliziya ya Mutagatifu Visenti Pallotti- Gikondo. Uyu muhango usa n’uwatunguye benshi ariko benshi bishimiye,  wabaye nyuma ya misa ya kane  yari yasomwe na Padiri Mukuru  wa  paruwasi ya Gikondo, Padiri RWASA Chrysante.

Padiri Mukuru Rwasa Chrysante mbere yo gusoza igitambo cya misa yasabye abakristu kujya gusura chantier no kuyiha umugisha

 

Bose basohotse mu misa berekeza kuri chantier, bamwe barebera mu madirishya , abandi bakorakora ku nkuta. Mbese bose wabonaga basa n’abarimo kuyisezeraho ubwanyuma. Abo duhuye bose bakambwira ngo :”uzaduhe ifoto ya kiliziyayacu!”
Korari Nyirububasha yakoze uwo yubahirije uwo mutangiro, yakoze iririmba” NZataha Yeruzalumu Nshya!”
Bazengurutse chantier yose basa n’abasezera ku mukunzi wabo

Ubwo  igitambo cya misa cyari kigiye guhumuza, Padiri Mukuru  yashimiye abakristu bose uruhare bakomeje kugira mu bikorwa byo kwagura kiliziya ya paruwasi yabo, maze abasaba ko nyuma ya kwakira umugisha usoza misa, ababishoboye bose bafata akanya bagusura Kiliziya  bahoze basengeramo, kugira ngo  aho imirimo igeze kandi nabo bahe umugisha “chantier ” yose , bityo n’abakozi bazayikoramo  bazagerweho n’uwo mugisha.

Aho ni hahandi abaririmbyi bicaraga, ubu harunze izo mbaho
Aha ni muri cya gipande k’ibumoso ureba kuri Altari, ubu harunze fer a beton
Aho ni ha handi Abahereza b’ukarisitiya bakundaga kwicara, ubu harunze imbaho
Aho ni imbere ya Sacristie, iyo mifuka ya sima yarahavanwe ishyira ahandi

Yabaye nk’uworosoye ubabyukaga, kuko abakristu bose basohotse mu misa berekeza muri chantier, dore ko abenshi bari banafite amatsiko yo kureba imbere mu Kiliziya nyuma y’aho intebe  bicaragaho zivaniwemo, ubu ikaba yifashishwa nk’ububiko bw’ibikoresho bimwe bimaze kuhagera.

isima yose yashyizwe muri salle yo hasi

 Baherekejwe na Korari Nyirububasha yari yaririmbye iyo misa ya 4, abakristu bose binjiye mu marembo ya chantier, bitegereza buri kantu koze babonye kadasanzwe , mbese buriwese yari yahindutse  mukerarugendo,   azenguruka ereba,  yitegereza, kandi ubona ashaka kugira hafi umuntu amusobanurira ibirimo gukorwa. Gusa n’ubwo “chef wa Chatier” yari hafi aho ntabwo yashoboye kubasobanurira kuko  hari imodoka 2 zari zitegereje guparururwa ibikoresho zari zizanye. Imwe yari yikoreye  Fer a beton indi yikoreye imbaho.

Abakristu bamwe bati:” Reka twifatire amafoto azahora atwibutsa mu minsi iri imbere, uko kiliziya yacu yari imeze” ! Uwo muhango rero n’ubwo usa n’uwatunguye bose, nyamara warabashimishije kandi utuma bose  bashira amatsiko, kuko  buri wese yafashe umwanya we yitegereza aho imirimo igeze.

izo fer a beton  zapakuruwe ku mu munsi mukuru w’Asensiyo

Nk’uko babyiboneye  imirimo irakomeje, kandi imbaraga zacu ziracyakenewe. Ari abari imbere mu gihugu, ari n’abari hirya no hino ku isi nko muri Amerika, Canada, mu Burayi,  muri Aziya, no muyindi migabane yose y’isi inshuti za Paruwasi ya Gikondo zirimo ubu, inkunga inkunga yacu twemeye igeze aho ikenewe cyane.

Konti ni ya yindi: 00040-0384298-17/ BK (FRW)

cyangwa wanyuza kuri telefoni:

MTN MOBILEMONEY 0789623204

TIGO CASH: 0723165098

AIRTEL MONEY: 0733 284047

 

HABUMUKIZA JOSEPH

KOMISIYO Y’ITANGAZAMAKURU.